Commentaires clients vérifiés

متوسط

الحق الطبعة ما عجبتنيش، الطبعة والستيكرز مهمش بروفيسيونال جملة، الأعلام مهم الألوان فاهم وحساسين خاطر درجة لون بركة تتبدل قادرة تعطينا لون متع علم آخر، إن شاء الله تردو بالكم في الكومندات الجايين، خاطر أنا تو كبيرة وماخذتها الروحي وتو نعرف نفرق أما بالنسبة للي ماخذو لصغيرو شباش يعلمو ؟ يتعلم بالغالط؟ والحبار طاير ورا الظهر متع الكوارت، حاجة في قمة اللاعناية واللاحرفية. الستيكرو ألور لا ما قال حد الحد... الألوان نفس الحكاية الطبعة تشكي الربي، فما وحايد فارغين والا مفهمتش. ونقص بالمقص معناها أنا كيما إنت عامل والا كيفاه؟ نجم الأربعة أوراق الي قاصهملي بألوانهم البالحة ومفماش كيفاش نقصهم بيدي نمشي نخرجهم وحدي. وأقل سوم. ياسر استهانة في المنتوج تقول واحد عامل عليك مزية . 3 نجوم على الصندوق والتصميم عجبوني والمعلومات والكاليتي متع الكوارط رغم رهيفة إلا إنها مش خايبةوانو ما يختلفش برشا علي في التصويرة لولا غياب البروفسيوناليزم والعناية بالمنتوج والطبعة الحالة في بعض الأعلام والستيكرز الي كان نقصتولنا باهم السوم ونحيتوهم خير. وكانو مشروع صغير نحب ننصحو نصيحة بركة: اعتن بكل قطعة في منتوجك مدامو صغير باش ينجم يكبر ويعتني هو بيك وما تستهانش بعقولنا راك مكش تبيع للصغار، تبيع للأم والبو.